புதுசு

துபை முனிசிபாலிட்டி சார்பில் 138 தொழிலாளர்கள் உம்ரா வழிபாட்டிற்கு அனுப்பி வைப்பு!


துபை முனிசிபாலிட்டியின் சார்பாக 138 தொழிலாளர்கள் உம்ரா அழைத்துச் செல்லப்பட்டனர்

துபை முனிசிபாலிட்டியின் கீழ்வரும் பல்வேறு துறைகளில் பணியாற்றும் தொழிலாளர்கள் அவர்களின் துறைத்தலைவர்களின் பரிந்துரையின் பேரில் வருடந்தோறும் விமான டிக்கெட், தங்குமிடம், உணவு மற்றும் கைச்செலவிற்கு ஒரளவு பணம் என அனைத்தையும் இலவசமாக வழங்கி அழைத்துச் செல்லப்படுகின்றனர். இந்த தொழிலாளர்களின் தேர்வின் போது அவர்கள் வேலைகளை செயல்திறனுடன் செய்வதும் கணக்கில் கொள்ளப்படுகின்றன.

இந்த உம்ரா யாத்ரீகர்கள் முறையாக உம்ராவை நிறைவேற்றும் பொருட்டு பள்ளிவாசல் இமாம் ஒருவரும் வழிகாட்டியாக உடன் அனுப்பப்பட்டுள்ளார். 5 நாட்கள் கொண்ட இந்த உம்ரா யாத்திரையின் தொடக்கமாக அனைவரும் மதீனா செல்வர் பின்பு அங்கிருந்து மக்காவிற்கு உம்ரா செய்ய அழைத்துச் செல்லப்படுவர்.

இந்த வருடம் கடந்த ஆண்டை விட 40 சதவிகித தொழிலாளர்கள் கூடுதலாக உம்ரா அழைத்துச் செல்லப்பட்டுள்ளதாக துபை முனிசிபாலிட்டி தெரிவித்துள்ளது.

Source: Gulf News
தமிழில்: அதிரை நியூஸ்

No comments