புதுசு

ஓமன் ~ அமீரகம் புதிய நெடுஞ்சாலை வரும் மே 7ல் திறப்பு!


ஓமனிலிருந்து அமீரகத்திற்கு புதிய நெடுஞ்சாலை எதிர்வரும் மே 7 ஆம் தேதி திறக்கப்படுகிறது

ஒமனிலிருந்து சாலை மார்க்கமாக அமீரகத்தின் துபை, ஷார்ஜா, ஃபுஜைரா வரும் வாகன ஓட்டிகளின் வசதிக்காக 272 கி.மீ தூரத்திற்கு போடப்பட்டு வந்த அல் பத்தீனா எக்ஸ்பிரஸ் வே (Al Batinah Expressway) எனும் புதிய நெடுஞ்சாலை எதிர்வரும் 2018 மே மாதம் 7 ஆம் தேதி முதல் பயன்பாட்டிற்கு திறந்துவிடப்படுகின்றது. இந்த சாலை மஸ்கட் எக்ஸ்பிரஸ் முடியும் இடத்திலிருந்து துவக்கப்பட்டுள்ளது குறிப்பிடத்தக்கது.

இருபுறமும் தலா 4 வழிச்சாலைகளாக போடப்பட்டுள்ள இந்த புதிய விரைவுச்சாலை 6 கட்டங்களாக அமைக்கப்பட்டன. இந்த சாலை ஓமனின் ஹல்பானில் துவங்கி கத்மத் மலாஹா (Halban to Khatmat Malaha) வரை நீண்டுள்ளது. இந்த சாலை ஃபுஜைரா மற்றும் கல்பா நகருக்குள் செல்லாமலேயே அமீரகத்தின் ருகைலாத் நெடுஞ்சாலையுடன் (Rugaylat Highway) வந்து இணைந்து விடுகின்றது.

Source: Khaleej Times / Msn
தமிழில்: அதிரை நியூஸ்

No comments