புதுசு

அமீரகத்தில் மாற்றுத்திறனாளிகளுக்கு BOTIM, C’Me செயலி கட்டணம் தள்ளுபடி!


அமீரகத்தின் எதிஸலாத் (Etisalat) மற்றும் டூ (Du) ஆகிய தொலைத்தொடர்பு நிறுவனங்கள் போட்டிம் (BOTIM), சீமி (C’Me) போன்ற செயலிகளை பயன்படுத்தி எந்த சர்வதேச நாட்டிற்கும் கை தொலைபேசிகள் வழியாக இலவச தொலைபேசி மற்றும் வீடியோ அழைப்புகளுக்கான வரம்பற்ற (Unlimited calls) வசதிகளை 50 திர்ஹம் எனும் மாதாந்திர கட்டணத்தில் வழங்கி வருகின்றன.

தற்போது காது கேளாத அரபுக்கள் வாரம் (Arab Deaf Week) கடைபிடிக்கப்பட்டு வரும் நிலையில் மாற்றுத் திறனாளிகளுக்கு ஆதரவு கொடுக்கும் வகையில், அவர்களிடமிருந்து மேற்படி ஆப்புகளை (Apps) பயன்படுத்தி பேசப்படும் வீடியோ கால் அழைப்புக்களுக்காக பெறப்படும் 50 திர்ஹம் மாதாந்திர சந்தா கட்டணத்தை தள்ளுபடி செய்யும்படி அமீரக தொலைத்தொடர்பு ஒழுங்குமுறை ஆணையம் (The Telecommunications Regulatory Authority - TRA) எதிஸலாத், டூ மற்றும் இதர தொலைத்தொடர்பு சேவை நிறுவனங்களுக்கும் உத்தரவிட்டுள்ளது.

Source: Gulf News
தமிழில்:
அதிரை நியூஸ் 

No comments